Kerekinfo бізге керек

Қайырлы күн, достарым! Қалдарыңыз қалай? Мен шаршап, сабақтарды оқып үлгере алмай отырған жайым бар. Құдааай ау, мына аралық бақылаулар тез бітсе екен. 
Ал енді, тақырыпқа көшейік. Бұл блогтағы жазбаны kerekinfo.kz сайтына арнайтын боламын. "Жаңа медиа" сабағы болмаса, бұл сайттың бар екенін білмейтін едім. Жаңа сайтқа кіріп, қарап шықтым. Әрине, тез ұғына алмадым, сайттың дизайны көңілімнен шықпады. Түсініксіз тұстары өте көп екен. Бірақ оқып, түсінуге тырыстым. Бұл сайттағы неше түрлі тақырыптарға жазылған блогтар мені таң қалдырды. Кейбір жазбаларға қарап, күліп те алдым. Мысалы "не ішеміз? ішкіштер, алқаштар қауымдастығы",  деген бар екен. 
Өзіме ұнаған блог "мен ұсынатын үш ән". Бұл блогты Bizbike деген никпен тіркелген қолданушы жүргізеді екен. Өзім музыкамен айналысатын болғасын, бұл блог мен үшін ерекше қызық болды. Мен әрқашан жаңа әуендерге ізденісте жүремін. Ал бұл блогтағы жазбалардың арқасында неше түрлі әндерді көріп, олар жайлы пікірлер көріп, тыңдасаңыз болады. Музыка сүйер қауым үшін таптырмас блог. Жазбада әнге деген пікірмен қоса, бейнебаянды да қойып қояды. Қолданушылар бұл бейнебаяндар мен әндерді қызу талқылайды. Жаңа бұл блогты қарап отырып, көптеген керемет қазақша әндер тауып алдым. Енді соларды тыңдап, мәәәз болып отырмын. Рахмет "жаңа медиа" сабағы :)

Қазағымның өнері жасасын!

Сәлем, менің оқырмандарым! 

Университетте болған бір жағдайды айтып берейін сіздерге. Біздің СДУ-да жоғары курста оқитын ұзын шашты, шолпы тағып жүретін және қазақи киім киетін қыз бар. Оны бірінші рет көргенде мен: "не деген қазақилық, дәстүрге не деген махаббат" деп өте риза болдым. Бірақ бір күні ол қыз асханада отырғанда, құрбысымен айтып отырған әңгімесін байқаусыздан естіп қалдым. Екеуі қазақ әндерін талқыға салып отыр екен. "Қазақи қыз" орысша тілде : "фу что за казахские песни? терпеть не могу" дегенде, мен бір таң қалып қалдым. 

Білмеймін осы қазақи өнерді менсінбейтін мәңгүрттерді естісем, қаным қайнайды. "Төреғали Төреәлі, Қайрат Нұртас, Роза Әлқожа, МұзАрт? фуу мамбетизм" деп айтатындарды көрсем, шыдамай қызу талқыға түсетін әдетім бар. Ай сорлы қазағым-ай, қашан өз тіліңмен, өз өнеріңмен мақтанасын? Сол әндерді ағылшынша басқа шет елдік әнщі орындаса, тыңдар еді ғой. Ал қазіргі жастардың санасында қазақша ән-бұл ұят. Шыны керек туған тіліндегі музыканы тыңдауға ұялатын жастарымыз көбейіп жатыр. Тіпті қазақша сөйлеуге де арланып, орысша сөйлесем "крутой" боламын деп қалыптасқан пікір бар десем де болады.  

Қазағым, өзіміздің өнерімізді көтермесек, дамытпасақ басқа кім жасайды? Қазақтың әні қазаққа ғана керек. "Шоу бизнес, музыка, кино дамымаған" дейді көбісі. Бірақ сол салаларды дамытатын жандардың бірі - өздеріңіз. Біздің әншілер, композиторлар, әртістер сіздердің қызығушылықтарыңызды көріп, шабыттанады емеспе. Халқымыздың абыройын түсірмей, керісінше өнерімізді бағалап, бір бірімізді көтеріңкіреп жүрсек керемет болар еді.

Абай атамыз айтқандай: "Біріңді қазақ, бірің дос, көрмесең істің бәрі бос". Шынымен, барлығымыз бірігіп еліміздің дамуына үлес қосуымыз керек. Қарап отырсам, біз бір-бірімізді қаншалықты сыйлаймыз? Сыйластық азайып бара жатырған секілді. 

Өнерімізді қолдайық, туған жеріміздің болашағына үлес қосайық. 

Сәлем, менің оқырмандарым! Қалайсыздар?
Көңіл күйім болмай отыр, неге деп сұрасаңыз, қыздарға тән бір проблемам бар. Ертең "ICE PARTY", ал мен не киетінімді білмей отырған жайым бар. "Адам көркі шүберек" деген бар ғой. Үстіңдегі киімің өзіңе ұнайтын, әдемі және үйлесімді болса, өзіңді жайлы және сенімді сезінесің. Айтпақшы "сенімділік" демекші, бүгінгі жазбамды осы тақырыпта қозғағым келіп отыр. 
Өз өзіне деген сенімділік әр адамда кездесе бермейтін қасиет. Шыны керек, жақын достарым маған үнемі "қалай өзіңе сенімді болып жүресің" деген сауал қояды. Жалпы бұрын өз өзімді жақсы көрмейтін адамдардың қатарында болдым, әрқашан кемшіліктіремді теріп отыратынмын. Бірақ бір кезде "неге мен сондаймын? өз өмірім өз қолымда. Адам өзін жақсы көру керек" деген ойға тоқталдым.  Сол уақыттан бері сенімділікті арттыру үшін өз өзіммен көп жұмыс істедім. 
Ең біріншіден, адам өзін жақсы көруі тиіс. Сіз қандайсыз, солай өзіңізді қабылдауыңыз қажет. 
Екіншіден, кемшілікеріңізді жақсы жағынан көрсетіңіз, өзіңіздің ерекшелігіңіз ретінде қабылдаңыз. Әр адам - бөлек әлем, тұлға. 
Үшіншіден, сізге "қолыңнан келмейді" деп айтатын адамдарды тыңдамаңыз және олармен қарым-қатынас құрудан аулақ болыңыз. Өйткені айналаңыздағы адамдар да сізге әсер етеді. 
Төртіншіден, өзіңіздің күшіңізге күмәнданып тұрсаңыз, идеалды кейіпіңіз жайлы бір сәт ойланыңыз. 
Бесіншіден, өзіңіздің мықты жақтарыңызды біліңіз. Әр адам жақсы қасиеттерін біліп және оны қолданып, мақтана да білуі керек.
Алтыншы кеңесім - өз өзіңізді дамыта беріңіз. Бір орында тұрмаңыз, үнемі ізденісте болу керек. 
Таңартең тұрып, айнаға қарап: "мен не деген керемет адаммын, мен әдемімін, білімдімін, өмірім ғажап" деп қайталаңыз. Бұл әрекеттің көмегі өте зор. Өзімізге сену, қабылдау және жақсы көру - өмірде маңызды рөл атқарады . Бұл қасиет үлкен шешімдер қабылдауға түрткі болуы да ғажап емес. 

Жігерлендіру

Сәлем достар! Бүгін сіздермен өзіме ұнайтын керемет бейнебаянмен бөліскім келіп отыр. Ең біріншіден, бұл видеомен өзім қалай "танысқанымды" айтайын. Мектеп кезінде кейде іштей сынып қалатын уақыт болатын. Яғни өзіме деген сенімділік жоғалатын кездер, бәрі бекер секілді көрінетін уақыт. Сондай сезімде болғанымда бөлмемде қамалып, ғаламторды шаралап, жігерлендіретін бейнебаяндар іздейтін әдетім болды. Сондай кештердің бірінде осы видео көзіме түсіп кетті. Бұл видеоны көрген сәтте денем тітіркеніп, рухым көтерілді десем болады. Видеода айтылған сөздер жүрегіме жетті және сол кезден бері осы менің сүйікті бейнебаяным. 
Бұл видеодан сіз не аласыз? Үлкен тәжірибе, жігер, күш, ерік.  Қараған соң, тіпті ерлік жасауға дайын тұрасыз. Өмір сынақ және сол сынақтан абыроймен өтуіміз керек екенін, әр адам өз арманын қорғау керек екенін  түсінесіз. Әр түрлі адамдар саған не деседе, сәтсіздікке ұшырсаң да мойымауың керек. Қаншалықты ауыр болса да, шыдау керек. Себебі бұл уақытша: бір сағатқа, айға, жылға, бірақ өтіп кетеді. Ал артқа шегінсең, үнемі ауыр болады. 
Бейнебаяндағы ең ұнаған сөздер: "Барлығы табысқа жеткісі келеді, бірақ толықтай қаламайды. Қалап тұрған секілдісіз. Сіз табысты демалысқа барғыңыз келгендей қаламайсыз, ұйықтағыңыз келгендей қаламайсыз! Математиканы түсінбеймін дейсіз. Әрине, өйткені сіз талпынғанда жоқсыз". 
Осындай жігерлендіру жанрындағы бейнебаяндарға қатты қызығамын. Мысалы бір видео маған өте үлкен әсер етті, өмірімнің бір бөлігін күрт өзгертті. Сол кезден бері бірнеше жылдар бойы қиын кезде осы видеоны қараймын. Мен қараудан жалықпаймын, себебі қараған сайын жаңа әсерде боламын. Сіздерге осы видеоны кеңес ретінде ұсынып отырмын, мүмкін біреуге көмегім тиетін шығар. Негізі қазір ойлап отырсам, блогымның бір бөлігін осы "мотивация" - ға арнасам болады екен. 
Жақсылап жайғасып көріңіздер!

СДУ - орындалған арманым.

Бүгінгі фоторепортаж оқу орныма арналады. Бұл талай оқушылардың арманы болған Сүлейман Демирел университеті. 9 сыныпта оқып жүргенде, СДУ-ға тусуді армандайтынмын. Ал қазір сол арманымды іске асырып, керемет оқу ордасында білім алып жүрмін. 

Сіздермен университетке байланысты суреттермен бөліскім келіп отыр.

Бақытты шағым осы жерде өтіп жатыр

СДУ - ұлттардың достығы

Сүйікті жер - кантин

СДУ десе маклюбе есімізге түседі.

Таңартеңгі керемет табиғаттын көрінісі

Бұл жерге кіру - қуаныш

Жұлдызымның арманы

   

  Маған "жұлдыз" болып түскен - Алланазар Назаров. Назар деген жазуы бар қағаз түскенде қатты таңғалдым, себебі ол біздің топқа жаңадан келген бала болатын. Назар екінші семестрде журналистика факультетіне ауысты, өйткені камерамен жұмыс істегенді қатты ұнатады. Бұрын Назарды қатты ұнатпайтынмын, өзімшіл бала деп ойлайтынмын. Бірақ жақсы таныса келе, ойымды өзгерттім. Ол өте мейірімді, көмектесуге дайын тұратын бала. 
     Назар Түркменістаннан келген университетіміздегі шет елдік азаматтардың бірі. Түркменістаннан келіп, қазақ тілін және мәдениетін жақсы көретіні мені қатты таңғалдырды.
Назар камерасымен айырылмайды, үнемі әртүрлі видеолар түсіріп жүреді. Одан басқа Назар футболға қатты қызығады. Жақында аяғы ауырып, ақсаңдап жүргенін байқадым. Одан не болғанын сұрасам, футболда жарақат алдым деп жауап берді. Футболмен қанша уақыт айналысып жүргенін сұрадым. 
    Кішкентай кезінде Назар балалармен далада, футбол алаңында доп қуалап жүргенді жақсы көретін. Бір күні ол алаңға келсе, ауладағы балалар Назарды қуып шығып, ойнатпай жіберген. Назар ашуланып, жылап, анасына болған оқиғасын баяндап берген. Анасы баласын қатты уайымдап, оны қаладағы кішкентай балалардың футбол командасына берген. Назардың күннен күнге футболға деген қызығушылығы арта түскен. Жаттықтырушы оның бойындағы дарынды көріп, қатты ұнатқан. Содан кейін Назар мектепте әртүрлі спорт жарыстарына қатысатын болған және командасының қанжығасына көп жеңіс әкелетін.
    Назар жаттықтырушылардың көңілінен шығып, Түрменісттаның жасөспірімдер құрамасына шақыру алды. Яғни 8-9 сыныптарда ол негізгі құрамда ойнаған. Бірақ бірнеше айдан кейін Назар спортты тастап кеткен. Оның себебі ата-анасында, яғни әкесінде. Әкесі Назардың футбол ойнайтынын құптамайтын. Әкесінің айтатын сөздері: "Саған футбол неге керек? сабағыңды оқы". Назар әкесінің айтқанынан қайтпай, кәсіби футбол жайында армандарын қалдырып, Сүлейман Демирел Университетіне түсті. 
     Қазіргі таңда Назар оқу орнымыздың ең мықты футбол командаларының бірі"Қарапайым" ФК-да ойнап жүр. 
    Яғни Назардың бұл оқиғамен түсіндіргісі келгені: біріншіден, арманға сену керек; екіншіден: өміріңді жалғыз ақ рет сүресің, ол уақытты арманыңды орындауыңа арнауың керек, сол үшін ата-анаң емес, өзің шешім қабылдауың қажет. 
    Арман — жарық жұлдыз, онсыз айқын бағдар жоқ, алға басу да жоқ, тірлік те жоқ дегенді түсіндіргісі келді. Кішкентай кезде балалардың бұзықтығынан алаңға бара алмағаны, оған өмірдегі қызығушылығын табуға көмектесті. Бұл оқиғадан Назар қайырлысын тапты және бұл ең маңыздысы. 

Мақалаға сараптама

 

 

 

Бүгін газет-журналдардың басылымдарын қарап шықтым. Бір байқағаным газеттер маңызы жоқ жаңалықтар жазады немесе өте қызықсыз контент жасайды. Өзіме қызықты және маңызды болған екі жаңалықты таңдап алдым. Біріншісін “Қазақ үні” газетінен оқыдым. Бұл емтихан бағасын саудалаған оқытушы туралы мақала. Жақында Facebook әлеуметтік желіcіне колледж мұғалімінің баға саудалап отырғанында видеоға түсіп қалғаны бәріне мәлім болды. Бұл видеода Оңтүстік Қазақстан облысы Түлкібас ауданындағы “Агробизнес және саяхат” колледжінің Нұржамал Жанбосынова деген мұғалімді көруге болады. Математика мүғалімі: “Екінші курста строго екі мың теңгеден болады. Мен былтыр сөйттім ғой. Нағылдеп отырсыңдар маған? Наличка беріңдер.” деген сөздерді байқауға болады. Мұғалімнің мындай қылығы адамдарды қатты таң қалдырды. Бұл оқиғадан кейін колледж әкімшілігі Еңбек кодексіне сәйкес мұғалімді және басшылықты қызметінен босатты. Ал енді мақалаға келетін болсақ. Ұнамағаны автор өзінің ойын, пікірін көрсетіп жазған. Яғни автор “базардаға саудагер секілді” деген сөздерімен мұғалімге деген жақтыртпаушылығын көрсетіп тұр. Ал бізге “журналист ешқашан өз ойын білдіртпеуі керек, ол тек жаңалықты жеткізу керек” деп үйретті. Негізгі ойды оқырманға түсіндіруі ұнады. Оқиғаға қатысты детальдарды айтқаны жаңалықты толықтай түсінуге мүмкіншілік берді. Бұл жаңалықты таңдаған себебім: өзім студентпін, ал бұл жағдай оқу орнында болған. Яғни мен үшін бұл маңызды, өйткені кез келген оқушы осындай жағдайға тап болуы мүмкін. Ұстаз - жауапкершілікті, ақ пейілді, оқытуға деген ынтаны талап ететін мамандық. Осындай ұстаздар келер ұрпаққа, жастарға тәрбие берсе, онда болашақта бұл мұғалім секілді әрекет жасайтын жастар саны артуы мүмкін. Тағы бір айтарым, осы жаңалықтан ақ жаңа медианың маңыздылыған көруге болады. Студент түсірген видеоны, бір ғана әлеуметтік желіге салып, мәселенің шешілуіне себепкер болды. Келесі жаңалық “Түркістан” газетінде жарияланған. Бұл Қазақстанда допингке қарсы тәуелсіз коммиссия құрылғаны туралы мақала. Астанада Ұлттық Олимпиада Комитетінің бастамасымен құрылған бұл коммиссия допингке қарсы жүйені іске асыратын болады. Медицина, заң қызметкерлерінің көмегімен “таза спортшыларды” колдау жүзеге асады. Жазылған мақала кейбір тым ұзақ сөйлемдерді назарға алмағанда маған ұнады. Автор жаңалықтың маңыздылығын, басты ойын жеткізе білді деп есептеймін. Бұл жаңалық мен үшін маңызды болған себебі: бұрын неге осындай комиссия ашпасқа деп ойлайтынмын. Өйткені Александр Винокуров, Валентин Иглинский, Дмитрий Фофонов сияқты спортшылар допинг қолданып, ұсталғаны есімде.